في اوروبا والدول المتقدمة يأكلون مع الكباب طحينه – كلمة م. محمد جودت

// August 31st, 2013 // Egypt - مصر

السلام عليكم

النهاردة حابب اشير الكلمة دي للمهندس/ محمد جودت .. نائب الرئيس لشركة جوجل في الشرق الاوسط وشمال افريقيا

في مؤتمر جوجل ايجبت 2 .. ديسمبر 2011

عنوان السيشن: في اوروبا والدول المتقدمة يأكلون مع الكباب طحينه

ملحوظة : قبل السيشن في كلمه صغيرة ل مهندس/ وائل الفخراني .. مدير عام جوجل مصر والشرق الاوسط وشمال افريقيا

..

g|egypt 2.0

..

..

بعض النقط الهامة التي وردت في سيشن محمد جودت

– في ناس كتير بتموت من الجوع : في 42 % من الشعب المصري تحت خط الفقر

..

– اجمالي الناتج القومي ل 85 مليون بني ادم 200 مليار دولار ، واجمالي الناتج القومي لشركه جوجل 30 الف موظف بينتجوا 42 مليار دولار وهو تقريبا ربع الناتج القومي لمصر

..

– صاحب بالين كداب : اي حاجه في الدنيا هتعملها لمدة 10 الاف ساعه هتبقى احسن واحد بيعمل الحاجه دي في العالم

لو قررت تبقى احسن ساندوتش جبنه رومي في العالم وقعدت 10 الاف ساعه وانت بتدور على احسن عيش واحسن طماطم هتبقى احسن واحد في العالم في شاندوتش الجبنه الرومي وهتبقى زودت حاجه جديدة لمصر

اللي عايز يغير مصر : يقضي ال 10 الاف ساعه في الحاجه اللي بيفهم فيها .. لو انت سوفت وير ديفلوبر متضيعش وقتك ووقت شغلك في السياسه

كلمة 10 الاف ساعه يعني انت لو بتقضي 4 ساعات في اليوم في القهوة هتبقى احسن واحد بيسحب نفس في العالم .. مبرووك عليك وفي ناس بتموت من الجوع

..

– اﻻرزاق على الله : طبعا الارزاق على الله … وهدف رحلة حياتك انك تبني حياتك دي مش علشان تحرق البنزين

..

– دي فكرة بمليون جنيه : ﻻ مفيش حاجه اسمها فكرة بمليون جنيه ، الافكار الدسته بشلن .. الفكرة اللي متاخودهاش وتطلع منها حاجه الناحية التانية تبقى بشلن .. الفكرة لو انت مشتغلتش عليها وﻻ تسوى شلن.

..

– على قد لحافك مد رجليك : ﻻ ، على قد رجليك وصل لحافك : .. لحافك هو العلم والمعرفة ، لحاف العلم والمعرفة في ايديك

..

– سعد باشا زغلول قال مفيش فايدة : ﻻ هو في فايدة ان شاء الله  .. ﻻري وسيرجي عملوا شركه جوجل في جراج

للاسف هو مفيش عند ! مفيش اصرار .. لو سمحت في فايدة …الفكرة انك تبدأ .. ابدأ

..

– فرصة العمر بتيجي مرة واحدة : ﻻ .. مفيش حاجه في الدنيا اسمها فرصه العمر اصلا في حاجه اسمها انا نفسي اعمل حاجه مفيدة ف هفضل وراها لحد ما اعملها

..

– مهي قاعدة لا بتاكل وﻻ بتشرب : ﻻ غلط .. عندنا مليارات معطله ، والفكرة اننا لازم نشغل المصادر بتاعتنا كلها

..

– انتو كلكو عليا وﻻ ايه؟ نظرية المؤامرة : مفيش حد عليكوا .. كل واحد بيمشي مع مصلحته

..

اصحاب العقول في راحه ، او المجانين في نعيم : اصحاب العقول مش في راحه وﻻ حاجه هما اكتر ناس تعبانيين

..

انتهت النقط

اتمنى ان الكلمة دي تكون جات في وقتها للناس كلها اللي عمالة بتهري وتحور في اي هتش

😀

لينك الفيديو من اليوتيوب

g|egypt 2.0 .. Day1

Leave a Reply